🔶🔶🔶🔶🔶🔶🔶🔶

જો આપ હજુ ગ્રુપમાં જોડાયા ન હો તો, ગ્રુપમા જોડાવા માટે અહીં ક્લિક કરી જોડાઇ શકશો

🔶🔶🔶🔶🔶🔶🔶🔶

ભાગ ૧: અભક્ષ્ય ત્યાગ શા માટે?

અભક્ષ્યનો ત્યાગ શા માટે?

અભક્ષ્ય પદાર્થો ખાધા વિના જીવી શકાય છે.
અભક્ષ્ય પદાર્થો હિંસામય છે, જેમાં ઘણા ત્રસજીવોની હિંસા થતી હોય છે.
શરીર અને મનને બગાડીને આત્માને બગાડનાર હોય અને વિકારો ઉત્પન્ન કરે છે
ત્રણ લોકના નાથ, સર્વજ્ઞ, વીતરાગ એવા તારક તીર્થંકર ભગંવંતોએ અભક્ષ્ય ત્યાગવાનું કહ્યું છે. આથી, અભક્ષ્ય પદાર્થોનો જીવનભર માટે ત્યાગ જ કરવો જોઇએ.

અભક્ષ્ય પદાર્થો કેટલા છે અભક્ષ્ય પદાર્થો કુલ ૨૨ છે.

અભક્ષ્ય પદાર્થો કયા ક્યા? ૧ મદિરા-દારૂ:

કોઇ પણ જાતનો દારૂ અભક્ષ્ય છે.
જો આપણે દારૂ બનાવવાની પદ્ધતિ જાણીશું તો કદાચ કદી અડીએ પણ નહીં, જો આપણે બજારમાં દ્રાક્ષ, ગોળ, વગેરે લેવા જઇએ અને તે આપણને સડેલું આપે તો આપણે લેશું? નહીં જ લઇએ ને? પરંતુ દારૂ બનાવવા માટે તો દારૂ-મહુડાં, દ્રાક્ષ, ગોળ, લોટ, વગેરેને ખૂબ સડાવીને બનાવવામાં આવે છે. તેમાં સેંકડો કીડાંઓ પેદા થાય છે, કીડાઓને છૂંદીને તેનો રસ નીચોવાય છે, તેમાંથી આલ્કોહોલ તૈયાર થાય છે.

ધર્મની દ્રષ્ટિએ જોઇએ તો,

વિજ્ઞાનની દ્રષ્ટિએ જોઇએ તો,

આપણા પેટની અંદરની ચામડી ખૂબ જ મૂલાયમ અને પાતળી હોય છે, તેમાં થોડું પણ વધુ તીખું જાય તો આપણે જલન અનુભવીએ છીએ.
પરંતુ દારૂ તો એવો જલન પદાર્થ છે કે જે ચામડાનાં જુતા પર પણ જો નાંખવામાં આવે તો તે કોહવાઇને બગડી જાય છે.
જો આવો પદાર્થ પેટમાં નાંખવામાં આવે તો કેટલું નુકશાન થાય?

આરોગ્યની દ્રષ્ટિએ જોઇએ તો,

દારૂ પીવાથી હોજરીમાં ચાંદા પડે છે,
નર્વસ સિસ્ટમ ઉપર ભયંકર અસર પડે છે,
શરાબને કારણે બી.પી., હાર્ટ-અટેક, એનીમીયા વગેરે રોગો ઉત્પન્ન થાય છે.
બ્લડમાં રેડ અને વ્હાઇટ સેલ ઘટી જવાથી ભારે રોગોની સંભાવના રહે છે.
હોજરીમાં સ્ટેમીના ખલાસ થવાથી પાચનતંત્ર સદાને માટે ખલાસ થઇ જાય છે.
લીવર, પેટ, આંતરડા, અન્નનળી વગેરેના કેન્સર થાય છે.
આંખની રેટીના, જીવ-કોશીકાઓ મૃત્યુ પામતા દર્દી આંધળો બને છે. અને આવા તો ઘણા રોગો થાય છે.

સામાજીક દ્રષ્ટિએ જોઇએ તો,

તેથી જ સર્વજ્ઞ ભગવંતો એ દારૂને અભક્ષ્ય ગણ્યો છે અને પીવાની ના પાડી છે.

નોંધ: સ્પીરીટ, તાડી અને નીરોમાં પણ મદિરા જેવું તત્વ હોવાથી તે પણ અભક્ષ્ય છે.

વધુ હવે પછીના ભાગમાં