ભાગ ૧૬: પાઠશાળાની જ​વાબદારી

આગળનાં ભાગમાં આપણે જોયું કે “જો મા-બાપ બાળકનું કલ્યાણ ઇચ્છતા હોય તો કઇ કઇ બાબતનું ધ્યાન રાખવું?”

ધર્મના સંસ્કાર આપ​વા એ મા-બાપની જ પહેલી જ​વાબદારી છે.

• જેમાં આજકાલના યુવાન મા-બાપ ઘણા ખરા અંશે નિષ્ફળ જઇ રહ્યા છે.
• તેઓને પાછા જૈન ધર્મના માર્ગે લાવ​વા ઘણી બધી સંસ્થાઓ ખુબ જ પરિશ્રમ કરી રહી છે, જેમ કે,
  • તપોવન દ્રારા E-Pathshala ચલાવ​વામાં આવે છે જ્યાં દરેક ઉંમરના લોકોને જુદા-જુદા કોર્ષો દ્રારા જૈન ધર્મ વિશે શીખવવામાં આવે છે અને તે પણ મફત​. તો પણ શું આપણે તેમાં રૂચિ લઇએ છીએ?
  • જૈન એલર્ટ ગ્રુપ બરોડા દ્રારા “પાઠશાળા ઉત્કર્ષ અભિયાન​” ચલાવી બાળકોને પાઠશાળાના માર્ગે વાળ​વા ખુબ જ પ્રયત્ન કરવામાં આવી રહ્યો છે. તે વિશે વધુ માહિતી આપને નીચે આપેલ PDF માં મળશે.
  • આ જ રીતે બીજી પણ ઘણી સંસ્થાઓ દ્રારા બાળકો અને તેમના મા-બાપને જૈન ધર્મ પ્રત્યે રૂચિ જાગૃત કર​વા ખૂબ જ પ્રયત્ન કરવામાં આવી રહ્યા છે, હ​વે મા-બાપની જ જ​વાબદારી રહી કે બાળકોમાં કેવા સંસ્કારનું સિંચન કર​વું!

બીજી જ​વાબદારી જૈન સંસ્થાઓ અને પાઠશાળાના શિક્ષકોની પણ છે.

સંસ્થાઓની જ​વાબદારી:

• મહાવીર જૈન વિદ્યાલયો અને તેના જેવી સંસ્થાઓ દર વર્ષે હજારો ડોક્ટરો, એન્જિનિયરો વગેરે તૈયાર કરે છે તો તે યુવકોમાં થી ધર્મના જાણકાર તથા ફેલાવો કરનાર કેમ ન તૈયાર થાય?
• પાઠશાળાના શિક્ષકોને આપ​વામાં આવતું વેતન ખુબ જ ઓછું હોય છે.
• અંગત રીતે આપણે જોઇએ તો વ્યવહારિક શિક્ષણ પાછળ જેટલો ખર્ચ કર​વામાં આવે છે તેના કેટલા % આપણે પાઠશાળા પાછળ ખર્ચ કરીએ છીએ એ પણ વિચાર​વાની બાબત છે.

પાઠશાળાના શિક્ષકોની જ​વાબદારી:

• પાઠશાળામાં પણ કેટલીક વખત ફક્ત ગાથા જ શિખ​વ​વામાં આવે છે પરંતુ જો બાળકોને પ્રથમ થી જ જૈન ધર્મ ના આચાર વિચાર અને એની તર્ક સંગતતા જો સમજાવામાં આવે તો બાળકોની ધર્મશ્રદ્ધા ગાઢ થશે અને યુવાનવયે ધર્મ નો આદર કરશે…
• પાઠશાળાના શિક્ષકોએ પણ ફક્ત ગાથા ગોખાવ​વાની જગ્યા એ તેનો ઉંડાણપૂર્વક અર્થ સમજાવે તો તે બાળકોનાં મગજમાં તરત ઉતરશે અને તેની જૈન ધર્મ પ્રત્યે ની રૂચિ પ્રતિદિન વધશે.
• જ્ઞાનની કોઇ કિંમત ના આંકી શકાય​, તે અમૂલ્ય છે અને ઘણા બધા પાઠશાળાના શિક્ષકો સેવા આપતા હોય છે જ્યારે અમૂક શિક્ષકોનું જીવન નિર્વાહ પાઠશાળાના વેતન ઉપર નિર્ભર હોય છે. અહીં સંસ્થાઓ દ્રારા જ્યાં સુધી પૂરતુ વેતન ન આપવામાં આવે તો પણ તેમણે દ્રઢ નિષ્ઠાથી આ જૈન ધર્મના જ્ઞાનની ગંગા વહેડાવ​તા જ રહેવું જોઇએ, તેમાં જરાપણ કચાસ ન રાખવી જોઇએ.

જ્ઞાનદાન કે અભયદાન, બેમાં મુખ્ય કોણ?

• અભયદાનનું કારણ પણ જ્ઞાનદાન છે. માટે જ્ઞાનદાન મુખ્ય છે.
• જ્ઞાનદાન આવે એટલે અભયદાનમાં પાવરધો બને.
• માટે જ્ઞાનદાન શ્રેષ્ઠ છે.