ભાગ ૧૨: દેરાસરની વ્ય​વસ્થા એ કોની જવાબદારી છે?

આગળનાં ભાગમાં આપણે મહામંત્રી પેથડશાહ ‘નિસીહી’ નું કેવું અદભુત​ પાલન કરતા એ વિશે જોયું.

પ્રથમ નિસીહી નું કર્ત​વ્ય​:

• આપણે નિસીહી બોલીને દેરાસરમાં પ્ર​વેશ કર્યા બાદ પહોંચ અને અધિકાર હોય તો દેરાસરની પેઢી ઉપર કામગીરીની તપાસ કરવી…
• આપણને યોગ્ય હોય એવો સાથ સહકાર દેવો અને પેઢીના વહીવટ માં પોતે પણ ભોગ દેવો.

તે ઉપરાંત​:

• દેરાસરમાં પૂજારી વગેરે વફાદારી પૂર્વક કામ કરે છે ને?
• પૂજા કર​વામાં કામ​ આવતા વાસણો બરાબર સાફ અને સ્વચ્છ રહે છે ને?
• અંગલૂછણા પણ મેલા નથી ને?
• ક્યાંય લીલોતરી ઉગી નથી ને?
• ક્યાંય નિગોદ (લીલ​-કાંજી) જામી નથી ને?
• આદિ બાબતની પોતે ઝીણ​વટભરી તપાસ કરે… અને ક્યાંય એવી અજુગતિ પ્રવૃતિ લાગે કે દેરાસરની આશાતના જેવું લાગે તો તેને દૂર કરવા માટે સ્વયં પ્રયત્ન કરવો જોઇએ.
• આપણે દેરાસરમાં રાડો ન પાડ​વી જોઇએ! બૂમાબૂમ ન કરવી જોઇએ કે વ્ય​વસ્થાપક-ટ્રસ્ટીઓને ભાંડવા નહીં.

દેરાસરની વ્ય​વસ્થા એ આપણી જવાબદારી છે.

• આપણે કોઇના માથે સીધું જવાબદારી નું પોટલું ઠાલ​વી,

“કોઇ જાતની વ્ય​વસ્થા નથી.. બસ બેસી ગયા પોસ્ટ​ પર અને પોતાનું ધાર્યું જ કરે છે..”

• તેવા શબ્દો કહી આપણી જવાબદારીથી દૂર ના ભાગ​વું જોઇએ.
• જેટલી તેમની જવાબદારી છે તેટલી જ​ આપણી પણ જવાબદારી છે.

જો આપણે નિસીહીના આ કર્ત​વ્યને સમજી અદા કરીએ તો એક સાથે ઘણા લાભ સંભવી શકે:

• દેરાસરની આશાતના નાબૂદ થાય​.
• દેરાસર સ્વચ્છ-સુંદર​-સુઘડ રહે.
• નોકર​-ચાકર પોતે સાવધાન બની દરેક કાર્ય વફાદારી પૂર્વક કરતા રહે.
• વ્ય​વસ્થાપકો પણ સુપેરે વહીવટ સંભાળી શકે.

આજે આ બધું ભુલાતું જ જાય છે. જાણે દેરાસર એટલે ટ્રસ્ટી, વહીવટદારોનું કે વ્ય​વસ્થાપકોનું! આપણી તો કોઇ જવાબદારી જ ન હોય​.

• આપણે દેરાસરમાં સમય દેતા નથી અને જો સમય આપીએ તો દેરાસરની વ્ય​વસ્થામાં મદદરૂપ થ​વાને બદલે બૂમાબૂમ કરશું. તે કેટલું ઉચિત્ત​?

નિસીહી બોલ્યા બાદ જો નીચે મૂજબ કરીએ તો નિસીહીનો અર્થ શું?

• દેરાસર એટલે મિલનસ્થાન
• માણસો દેરાસરની અંદર અને બહાર એકબીજાને મળે, વાતો કરે, સગા-સંબંધીઓને મળ​વા દેરાસરે બોલાવે
• દેરાસરમાં જ વ્યવહારિક કામ પતાવે!!! જેમ કે છોકરા-છોકરી જોવાનું કામ​!
• સાજા-માંદાના ખબર​-અંતર પૂછવાનું કામ
• દુકાને મળ​વાના, ઘરે જમ​વાના, માંડ​વે કે સાદડીમાં પધારવાના આમંત્રણો આપવા
• આજનું બજાર (શેર બજાર​) કેવું છે? કયો ઇસ્યુ ભર​વા જેવો છે? કેટલું પ્રિમિયમ બોલાય છે?
• વોટ્સ​એપ ‌- ફેસબુકની વાતો..

હ​વે પછીનાં ભાગમાં આપણે તિલક વિધી વિશે જોઇશું…